YSTYRIED PRYNU EIDDO YN EWROP/GWLAD GROEG?
Gallai un alwad ffôn arbed llawer o arian a gofid i chi.

Gwasanaeth ymgynghori yn arbennig i chi.

Dwi ddim yn arbenigwr ariannol nac yn arbenigwr cyfreithiol a dwi’n gwybod y nesa peth at ddim am adeiladu. Felly pa gyngor allith hwn ei roi, meddech chi.

Wel, mae’n syml. Dwi wedi cael profiad helaeth o’r farchnad prynu a gosod eiddo gwyliau yng Ngwlad Groeg yn y 5 mlynedd ddiwethaf. Dwi wedi prynu 2 eiddo i mi fy hun yn ystod y cyfnod hwnnw.

Trodd y broses o brynu un ohonynt yn hunllef llwyr a gallai’r hwch fod wedi mynd drwy’r siop. (Dyna ddigwyddodd yn achos rhai o’m darpar gymdogion). Dair blynedd yn ddiweddarach, mae llawer o broblemau heb eu datrys o hyd.

Roedd pethau’n llawer mwy hwylus yr eildro. Roedd ambell i broblem fach ond dwi’n gallu chwerthin amdanyn nhw nawr. Rhaid i chi allu gweld ochr ddoniol pethau i fwynhau Gwlad Groeg i’r eithaf a diolch i hyn, dwi wedi llwyddo i ddysgu am system brynu’r wlad. Dwi wedi llwyddo i gael profiad gwerthfawr a dysgu llawer trwy drafod gyda datblygwyr, adeiladwyr, cyfreithwyr, gwerthwyr eiddo, banciau ac ati.

Mae llawer o sefydliadau’n cynnig cyngor a hwnnw’n gyngor da ar y cyfan ond ychydig iawn ohonynt sy’n rhoi cyngor diduedd. Er enghraifft, mae llawer ohonynt yn gysylltiedig â datblygwr penodol. Bydd y cyngor a gewch gan Alaspros Cyf yn hollol annibynnol ac yn ateb eich gofynion a’ch disgwyliadau penodol chi.
Yn y bôn, dwi wedi dysgu o’m camgymeriadau a dwi am rannu fy ngwybodaeth i wneud pethau’n haws i chi.

Gwasanaeth gwych arall gan Alaspros Cyf ar y cyd â’n partner Smart Currency Exchange Cyf.

Cyn prynu eiddo dramor, bydd angen i chi brynu arian tramor i dalu amdano. Mae dwy ffordd o brynu a throsglwyddo arian tramor – gallwch chi ddefnyddio’ch banc ond rydyn ni’n argymell defnyddio gwasanaeth cyfnewid arian tramor arbenigol.

Dyma fanteision defnyddio arbenigwr arian tramor yn hytrach na banc:

1. Gallwch arbed hyd at 4% ar gost arian tramor trwy gael cyfraddau gwell nag y cewch chi gan fanc. Pe baech chi’n gwario £100,000, gallech chi arbed hyd at £4,000.
2. Gallwch siarad ag arbenigwr arian tramor yn hytrach na staff banc – mae’n bosibl na fyddan nhw’n gyfarwydd â’r marchnadoedd arian tramor. Gall arbenigwyr eich helpu chi i benderfynu ar strategaeth i brynu arian tramor ar yr adeg gywir am y pris cywir.
3. O ddefnyddio gwasanaethau arbenigol, bydd eich arian yn cael ei drosglwyddo o fewn diwrnod neu ddau yn hytrach na 3-5 diwrnod pe baech chi’n defnyddio banc. Hefyd, gall cwmnïau arian tramor ddileu ffioedd trosglwyddo a derbyn a godir gan y rhan fwyaf o fanciau tramor. Ni fyddai’ch banc yn gallu gwneud hyn.
4. Byddwch chi’n gallu rhewi’r gyfradd cyfnewid arian tramor gyfredol (os yw’n gyfradd dda) fel y gallwch chi NEILLTUO arian ar gyfradd heddiw a thalu amdano maes o law. Bydd hyn yn lleddfu unrhyw bryderon gan na fydd pris prynu’ch eiddo yn newid os yw’r gyfradd yn newid.
5. Os oes gennych chi gyllideb benodol a’ch bod am sicrhau nad yw pris eich eiddo yn cynyddu a/neu’ch bod am gael y cyfraddau gorau wrth brynu arian, y peth doethaf, heb os, fyddai trafod eich gofynion gydag arbenigwr cyfnewid arian tramor.